તાપી જિલ્લામાં કોરોના વાયરસને અટકાવવા માટે તંત્ર દ્વારા અનેક પ્રયાસો થઈ રહ્યા છે. તેમ છતાં હજુ પણ કુદકેને ભુસકે કેસોમાં વધારો થઇ રહ્યો છે. જોકે તેની સામે રીકવરી રેટ પણ સારો છે. આજરોજ જીલ્લામાં વધુ 4 કોરોના પોઝીટીવના કેસ નોંધાયા છે,

 

આ સાથે જીલ્લામાં પોઝીટીવ દર્દીઓનો કુલ આંક 575 થયો છે. આજે વધુ 1 દર્દી સાજો થયો અત્યાર સુધી કુલ 491 દર્દીઓ કોરોના સામે જંગ જીત્યા છે. જયારે 61 થી વધુ દર્દીઓ કોરોના સામે લડી રહ્યા છે. જીલ્લામાં કોરોનાની સારવાર દરમિયાન કુલ 30 દર્દીઓના મોત નીપજ્યા છે.

 

તાપી જીલ્લા આરોગ્ય અધિકારી ડો.રંગુનવાલાના જણાવ્યા અનુસાર તા.28મી સપ્ટેમ્બર સોમવાર નારોજ ડોલવણમાં 2 કેસ અને વ્યારા-સોનગઢમાં 1-1 કેસ મળી કુલ 4 કેસ નોંધાયા છે. કોરોના પોઝીટીવ દર્દીઓના સંપર્કમાં આવેલા વ્યક્તિઓને હોમ ક્વોરેન્ટાઇન કરી સર્વેની કામગીરી હાથ ધરવામાં આવી છે.

 

(1) 55 વર્ષિય પુરુષ, નિચલું ફળિયું, બામણામાળદુર-ડોલવણ

(2) 51 વર્ષિય પુરુષ, નિચલું ફળિયું, બામણામાળદુર-ડોલવણ

(3) 32 વર્ષિય પુરુષ, શીવશક્તિ-વ્યારા

(4) 48 વર્ષિય પુરુષ, શિવનગર,ઉકાઇ રોડ-સોનગઢ