કોરોનાના કહેર વચ્ચે તાપી માં આજે કોરોના પોઝીટીવના નવા 3 કેસ નોંધાયા છે. તાપી જીલ્લા આરોગ્ય અધિકારી ડો,હર્ષદભાઈ પટેલના જણાવ્યા અનુસાર તા.30-ઓકટોબર નારોજ સોનગઢના હાથી ફળીયામાં રહેતી 50 વર્ષીય મહિલા, વાલોડના ઝવેરી ફળીયામાં રહેતો 39 વર્ષીય પુરુષ અને વ્યારાના કાનપુરામાં આવેલ ક્રિષ્ના રેસીડેન્સીમાં રહેતો 25 વર્ષીય પુરુષ મળી કુલ 3 દર્દીઓના કોરોના રીપોર્ટ પોઝીટીવ આવ્યો છે.

આ સાથે જીલ્લામાં કોરોના પોઝીટીવ ના કુલ 699 કેસ નોંધાયા છે, વધુ 2 દર્દીઓએ કોરોના ને મ્હાત આપી,અત્યાર સુધી કુલ 639  દર્દીઓ સાજા થયા છે. કોરોનાની સારવાર દરમિયાન કુલ 40 દર્દીઓના મોત નીપજ્યા છે. હાલ 14 દર્દીઓ કોરોનાની સારવાર લઇ રહ્યા છે. આજે કોરોના વાયરસના શંકાસ્પદ શંકાસ્પદ દર્દીઓના 352 સેમ્પલ લેવામાં આવ્યા છે.