તાપી જીલ્લામાં આજ રોજ વધુ 3 વ્યક્તિઓ કોરોનાની ચપેટમાં આવ્યા છે. આ સાથે જીલ્લામાં કેસની કુલ સંખ્યા 516 પર પહોચી છે. જીલ્લામાં કોરોનાની સારવાર દરમિયાન કુલ 27 દર્દીઓના મોત નીપજ્યા છે. અત્યાર સુધી 407 દર્દીઓ કોરોના સામે જંગ જીત્યા છે. જયારે 86 થી વધુ દર્દીઓ કોરોના સામે લડી રહ્યા છે.

તાપી જીલ્લા આરોગ્ય અધિકારી ડો.રંગુનવાલાના જણાવ્યા અનુસાર તા.18મી સપ્ટેમ્બર શુક્રવાર નારોજ જીલ્લામાં કોરોના ના 3 કેસ નોંધાયા છે. વાલોડના વેડછી ગામના ત્રીજા માઈલમાં 40 વર્ષીય પુરુષ, ડોલવણના ગડત ગામના વાડફળીયામાં 20 વર્ષીય મહિલા તેમજ વ્યારા પોલીસ સ્ટેશન ની 27 વર્ષીય મહિલા પોલીસ કોન્સ્ટેબલ મળી કુલ 3 કેસ સરકારી ચોપડે રજીસ્ટર કરવામાં આવ્યા છે. કોરોના પોઝીટીવ દર્દીઓના સંપર્કમાં આવેલા વ્યક્તિઓને હોમ ક્વોરેન્ટાઇન કરી સર્વેની કામગીરી હાથ ધરવામાં આવી છે.