વાલોડના મોરદેવી ગામમાં ઇલેક્ટ્રિક વીજ કરંટ લાગતા ૩ વ્યક્તિઓના મોત નિપજ્યા હતા.જોકે બનાવની જાણ થતાં સ્થાનિક પોલીસ સ્ટાફના માણસો ઘટના સ્થળે દોડી આવી તપાસ શરૂ હતી.

મળતી માહિતી મુજબ વાલોડ તાલુકાના મોરદેવી ગામમાં  ખેતરની ફરતે તારની વાડ કરી હોય તેને રાત્રીના ઇલેકટ્રીક કરંટ આપેલ હોય જે કરંટ બંધ કરવાનો રહી જતાં આજરોજ ધીરૂભાઇ કુતરાભાઇ ચૌધરી નાઓ પાણીની પાઇપ ખેંચવા જતા જેમાં તારની વાડ માંથી કરંટ ઉતરતા ધીરુભાઈને ઇલેકટ્રીક શોક લાગતા કિષ્નાબેન ધીરૂભાઈ ચૌધરી તથા દેવરામભાઇ બાલુભાઇ ચૌધરી નાઓ બચાવાવા જતાં તેઓને પણ ઇલેકટ્રીક શોક લાગવાના કારણે સ્થળ પર એકજ પરિવારના ત્રણ  સભ્યોના મોત નિપજ્યા હતા.