વ્યારા તાલુકાના કપુરા ગામના લુહાર ફળીયામાં રહેતો જીગ્નેશભાઇ દેવસીંગભાઈ ચૌધરી આજરોજ સોનગઢ તાલુકાના ચાપાવાડી ગામ પાસે પોતાની કબજાની નંબર વગરની કેસરી અને કાળા કલરની હોન્ડા ડીઓ મોપેડ બાઈકની ડીકીમાં ઈંગ્લીશ દારૂની હેરાફેરી કરતા તાપી એલસીબી પોલીસના હાથે ઝડપાઈ ગયો હતો.

તપાસ દરમિયાન તેની પાસેથી કાળા કલરની કાપડની થેલી માંથી ભારતીય બનાવટનો ઈંગ્લીશ દારૂ ડીએસપી બ્લેક અને ઈમ્પેરીયલ બ્લ્યુ વિસ્કી તેમજ સુગંધી સંતરા દેશીદારૂ મળી કુલ 27 નંગ બાટલીઓ મળી આવી હતી. આ બનાવમાં પોલીસ કોન્સ્ટેબલ વિનોદભાઈ પ્રતાપભાઈની ફરિયાદના આધારે સોનગઢ પોલીસ મથકે જીગ્નેશભાઇ ચૌધરી વિરુધ્ધ ગુનો દાખલ કરી આગળની વધુ તપાસ હાથ ધરવામાં આવી હતી.