મનિષા એસ. સુર્યવંશી/તાપી : નવસારી જિલ્લાનાં વાંસદા પોલીસ સ્ટેશનના પ્રોહીબીશનનાં ગુન્હામા નાસતો ફરતો વોન્ટેડ આરોપીને ડોલવણનાં બામણામાળ દુર નહેર નજીકથી ઝડપી પાડી કાયદેસરની કાર્યવાહી હાથ ધરવામાં આવી હતી. મળતી માહિતી મુજબ, તાપી એલ.સી.બી તથા પેરોલ ફર્લો સ્કોર્ડ તાપી પોલીસ સ્ટાફનાં માણસો તારીખ ૦૮/૦૯/૨૦૨૪નાં રોજ ડોલવણ પોલીસ સ્ટેશન વિસ્તારમાં પેટ્રોલીગમાં હતા. તે દરમિયાન એ.હે.કો. ધર્મેશભાઈ મગનભાઈ તથા અ.પો.કો. રોનકભાઈ સ્ટીવનશનભાઈ નાઓને ખાનગી રાહે મળેલ બાતમીનાં આધારે, બામણામાળ દુર નહેર નજીકથી વાંસદા પોલીસ સ્ટેશનના પ્રોહીબીશનનાં ગુન્હામાં નાસતો ફરતો વોન્ટેડ આરોપી હિરલ વિનોદભાઈ પટેલ (ઉ.વ.૩૦., રહે.બામણામાળદુર ગામ, ગામીત ફળિયું, તા.ડોલવણ, જિ.તાપી)ને ઝડપી પાડી આગળની વધુ કાર્યવાહી હાથ ધરી હતી.