વ્યારાના નવુ ઢોડીયાવાડ વિસ્તારમાં ઘરના પાર્કિંગ સેડમાંથી સ્વીફ્ટ ડીઝાયર કારની ઉઠાંતરી થઇ હોવાની ફરિયાદ વ્યારા પોલીસ મથકે નોંધાઈ છે.

મળતી માહિતી અનુસાર વ્યારાના નવુ ઢોડીયાવાડમાં પરિવાર સાથે રહેતા ૪૧ વર્ષીય મનિષકુમાર ભગુભાઈ ઢોડીયા નાઓએ ગત તા.ત્રીજી સપ્ટેમ્બર નારોજ પોતાના ઘરના પાર્કિંગ સેડમાં લોક કરી પાર્ક કરેલ સ્વીફ્ટ ડીઝાયર કાર નંબર જીજે/૨૬/એ/૮૪૧૮ જેની (કિંમત રૂપિયા ૪ લાખ) ની કોઈ અજાણ્યા ચોર ઇસમે ચોરી કરી નાશી ગયો હોવાની ફરિયાદ મનિષકુમાર ઢોડીયાએ શનિવાર ના રોજ વ્યારા પોલીસ મથકે કરી હતી જેમની ફરિયાદના આધારે પોલીસે બનાવ દાખલ કરી આગળની વધુ તપાસ હાથ ધરી છે.