વ્યારા નગરના મુખ્ય માર્ગો અને આંતરીક રસ્તાઓ પર રખડતા ઢોરના કરાણે લોકો ત્રાહિમામ પોકારી ઉઠ્યા છે, તંત્ર જાણે અકસ્માતની રાહ જોઇને બેઠું હોવાની ફરિયાદો ઉઠવા પામી છે, ત્યારે તંત્ર દ્વારા યોગ્ય કાર્યવાહી કરવામાં આવે તે જરૂરી બન્યું છે.

વ્યારા નગરના ઉનાઈ નાકા પાસે વધુ રખડતા ઢોરો નજરે પડ્યા છે. ઉલ્લેખનીય છે કે ઉનાઈ નાકા પાસે જ લોકોની અવરજવર વધુ હોય છે. સ્થાનિકો રખડતા ઢોરના આતંકથી લોકો અને રાહદારીઓ તેમજ નાના વાહનચાલકો ત્રાહીમામ પોકારી ઉઠ્યા છે. રસ્તામાં બાખડતા અને નગરની ગલીઓમાં રખડતા ઢોર આતંક મચાવે છે સાથે જ વાહનચાલકોને અડફેટે પણ લઇ રહ્યા છે. માર્ગની નજીકમાં જ અડીંગો જમાવીને ઉભા રહેતા રખડતા ઢોરને કારણે અવારનવાર અકસ્માત સર્જાતા હોય છે. ત્યાં જ જો કોઇ રાહદારી રસ્તામાં આવે તો તેમને ફંગોળી નાંખે છે. ત્યાં જ ક્યારેક તો આ રખડતી રંજાડ કોઇને જીવ પણ લઇ લે છે. ત્યારે રખડતા ઢોરની સમસ્યા દિવસેને દિવસે કૂદકેને ભૂસકે વધી રહી છે.ત્યારે તંત્ર દ્વારા યોગ્ય કાર્યવાહી કરવામાં આવે તે જરૂરી બન્યું છે.