એસીબીને ફરિયાદ કરનાર ફરિયાદી દસ્તાવેજનું કામ કરતા હોય તેઓના પક્ષકારોના દસ્તાવેજ ગઈ તા.૧૧.૧૦.૨૦૨૧ તથા તા.૧૪.૧૦.૨૦૨૧ ના રોજ કરાવેલ જે દસ્તાવેજમાં સહીઓ કરી આપવા અવેજ પેટે સબ રજીસ્ટ્રાર પ્રતાપ રથવીએ પ્રથમ રૂ.૧૨ હજારની માંગણી કરેલ જે રકઝકના અંતે રૂપિયા ૮ હજાર લાંચ પેટે લેવાનું નક્કી કરેલ જે લાંચના રૂપિયા ફરિયાદી આપવા માંગતા ન હોય એસીબીમાં ફરિયાદ કરી હતી.

જેમની ફરિયાદના આધારે એસીબીએ આજરોજ લાંચના છટકાનું આયોજન કર્યું હતું. જેમાં અંકલેશ્વર કચેરીનો સબ રજીસ્ટ્રાર પ્રતાપભાઈ રથવી પોતાની કચેરીમાં જ રૂપિયા ૮ હજારની લાંચની માંગણી કરી સ્વીકારતા એસીબીના છટકામાં આબાદ ઝડપાઇ ગયો હતો.