ઉધના બી.આર.સી રાજેશ્વર પ્લાઝા પાસે જાહેરમાં ઉભેલા મજુરને બાઈક પર આવેલા લુંટારૂઓએ આઈ કાર્ડની માંગણી કરી તેરી જેબ મે ઓર ક્યા હે નિકાલ વરના દો જાપટ દુંગા હોવાની ધમકી આપી રોકડા રૂ. ૩, ૩૦૦ લૂંટી નાસી ગયો હતો.

બમરોલી રોડ શ્રીરામનગર ખાતે રહેતા ૬૫ વર્ષીય સેનપાડુ નિલકંઠ પાટીલ ગત તા ૩૦મીના રોજ બપોરે ત્રણ વાગ્યે બીઆરસી રાજેશ્વર પ્લાઝાની બહાર ઉભો હતો તે વખતે બાઈક પર અજાણ્યો આવ્યો હતો અને સેનપાડુ પાસે આઈ કાર્ડની માંગણી કરી હતી જેથી સેનપાડુઍ આઈ કાર્ડ બતાવતા અજાણ્યાઍ તેરી જેબ મે ઔર કયા હે નિકાલ વરના દો જાપટ દુંગા હોવાનુ કહેતા સેનપાડુઍ પેન્ટના ખિસ્સામાંથી રોકડા ૩૩૫૦ કાઢી બતાવતા અજાણ્યાઍ હાથમાંથી લૂંટી  ભાગવા જતા ૫૦ની નોટ પડી જતા ૩૩૦૦ લૂંટી નાસી ગયો હતો. પોલીસે સેનપાડુ પાટીલની ફરિયાદ લઈ તપાસ હાથ ધરી છે.