વાલોડ તાલુકાના ભીમપોર ડુંગરી ફળિયાનો પોહાલાભાઈ ઉર્ફે સુધીરભાઈ ગામીતનું મોત પ્રકરણમાં અનેક પ્રકારના તર્ક-વિતર્ક ઉઠી રહ્યા હતા. પોહાલાભાઈ ઉર્ફે સુધીરભાઈ દિલિપભાઈને ત્યાં સુવા જવાનું કહી મોરદેવી હળપતિવાસ પાસે આવેલ ભીખાભાઈ લાછાભાઈ ચૌધરીના ખેતરમા યુવકની લાશ મળી આવી હતી. યુવકનું પીએમ અલગટ અને કલમકુઈ પીએસસીના એમઓએ કર્યું હતું. પીએમ કરનાર ડોક્ટર ચિરાગ પટેલના જણાવ્યા મુજબ જીભ કચડાઈ ગયેલી હોય પણ ઝેર પીધું હોય એવું લાગતું નથી ઇન્જરી પણ નથી પરંતુ કદાચ રાત્રે ઠંડીમાં પડી ગયો હોય અને ખેંચ આવી ગઈ હોય પણ સમય પર કોઈ સહાય ના મળતા કદાચ મૃત્યુ થવાનું અનુમાન પ્રાથમિક તબક્કે ડોકટર કહી રહ્યા છે છતાં પ્રશ્ન એ થાય છે કે બે સ્વેટર પૈકી એક સ્વેટર લાશ પાસેથી મળ્યું એ કોનું હતું? બુટ કેમ કાઢ્યા હતા? સ્થળ પરથી દારૂનું સેવન કર્યું હોય એવી બોટલો મળી નથી. ખેંચ આવે તો લથડીયો ખાતો અને અસ્તવ્યસ્ત પડી ગયો નજરે પડે. સ્થળ પર યુવકની લાશ કોઈ સીધી જોવા મળી ન હતી. આ સમગ્ર ઘટનામાં યુવકના મોતની શંકાનું રહસ્ય ઘેરાય રહ્યું છે.

પોલીસ ઇન્વેસ્ટીગેશન ઓફિસર માટે પરિવારના નિવેદન, મોરદેવી તથા ભીમપોરની લોકેશન કોલડીટેલ મહત્વની બની રહેશે. બાકી હાલ તો ડોકટરો મોત ખેંચથી થયું હોવાનું અનુમાન લગાવી રહ્યા છે.