નાસતા ફરતા વોન્ટેડ આરોપીઓને પકડવા માટે તાપી જિલ્લા પોલીસવડા નાઓએ સુચના આપેલ હોય જે અનુસંધાને તાપી એસઓજી શાખાના પીઆઈ એચ.સી.ગોહિલ અને સ્ટાફ માણસો સોનગઢ પોલીસ સ્ટેશન વિસ્તારમાં પેટ્રોલિંગમાં હતા.

 

 

 

 

તે દરમિયાન તેઓને ખાનગી રાહે મળેલ બાતમીને આધારે છેલ્લા છએક વર્ષથી નાસતો ફરતો વોન્ટેડ આરોપી કાંતુભાઈ કોઠીયાભાઈ માવચી/ગામીત ધંધો-રીક્ષા ડ્રાયવર (ઉ.વ.40) રહે,ખેખડા ગામ, ધરીપાડા ફળિયું તા.નવાપુર જી.નંદુરબાર-મહારાષ્ટ્ર, નાને સોનગઢના આરટીઓ ચેકપોસ્ટ પાસેથી ઝડપી પાડવામાં આવ્યો હતો.

 

 

 

 

એસઓજી એ ઝડપી પાડેલ આરોપીની પૂછપરછ હાથ ધરતા આરોપી વિરુધ્ધ બારડોલી પોલીસ મથકે થર્ડ ગુ.ર.નં.(1) 430/14 તથા (2) 1005/2014, પ્રોહી એક્ટની કલમ 66(1)બી 65એ,ઈ,116(2),81 મુજબ ગુન્હો નોધાયો હોય, આરોપીએ કબુલાત કરી હતી. હાલ પકડાયેલા આરોપીની સીઆરપીસી કલમ 41(1)(આઈ) મુજબ અટક કરી કાયદેસરની કાર્યવાહી હાથ ધરાવમાં આવી છે.