ઉત્તરપ્રદેશનાં બાંદા જિલ્લાનાં બાબેરૂમાં મોડી રાત્રે એક ભયાનક માર્ગ અકસ્માત થયો હતો. જેમા બેકાબૂ બોલેરો એક પાર્ક કરેલી ટ્રક સાથે ભયંકર રીતે અથડાઈ હતી. આ અકસ્માતમાં માતા-પુત્ર સહિત છ લોકોના કરૂણ મોત નિપજ્યા હતા, જ્યારે ત્રણ લોકો ગંભીર રીતે ઘાયલ થયા હતા અને તાત્કાલિક હોસ્પિટલમાં ખસેડવામાં આવ્યા હતા. સુત્રોપસેથી મળતી માહિતી મુજબ, ઉત્તરપ્રદેશના બાંદા જિલ્લાના બાબેરૂ કોતવાલીમાં કામાસીન રોડ પર પરિયાદાઈ નજીક ગતરોજ રાત્રે બોલેરો રોડ પર પાર્ક કરેલી ટ્રક સાથે ભયકંર રીતે અથડાઈ હતી. આ અકસ્માતમાં બોલેરોમાં સવાર છ લોકોના ઘટના સ્થળે જ મોત થયા હતા.

જ્યારે ત્રણ લોકો ગંભીર રીતે ઘાયલ થયા હતા. પોલીસે ઘાયલોને એમ્બ્યુલન્સ દ્વારા સીએચસી મોકલ્યા છે. ઘાયલોની હાલત નાજુક હોવાનું કહેવાય છે. જેમને જિલ્લા હોસ્પિટલમાં રીફર કરવામાં આવ્યા છે. આ ભયકંર અકસ્માતના પગલે હાઈવે પર ટ્રાફિક જામ થયો હતો. અકસ્માત બાદ ચાલક ટ્રક સહિત ફરાર થઈ ગયો હતો. જોરદાર ટક્કરથી બોલેરોને નુકસાન થયું હતું. જેના કારણે આગળની સીટ પર બેઠેલા ડ્રાઈવર સહિત તમામ લોકોને ઈજા થઈ હતી. જયારે ચીસો સાંભળીને ત્યાંથી પસાર થતા લોકોએ પોલીસને અકસ્માતની જાણ કરી હતી. જેથી પોલીસનો કાફલો ઘટના સ્થળે પહોંચી અને ઈજાગ્રસ્તોને બોલેરોમાંથી બહાર કાઢ્યા હતા.