મનિષા એસ. સુર્યવંશી/તાપી : વાલોડનાં તીતવા ગામની સીમમાં મઢી ગામ તરફ જતાં રોડ ઉપરથી કારમાં ઇંગ્લિશ દારૂનો જથ્થો ભરી લઈ જનાર કર ચાલકને ઝડપી પાડ્યો હતો, જયારે દારૂ ભરી આપનાર અને મંગાવનાર બે ઈસમોને પોલીસ ચોપડે વોન્ટેડ જાહેર કરવામાં આવ્યા હતા. મળતી માહિતી મુજબ, તાપી એલ.સી.બી. પોલીસ સ્ટાફના માણસો વાલોડ પોલીસ સ્ટેશન વિસ્તારમાં પ્રોહી. પેટ્રોલિંગમાં નીકળ્યા હતા.

તે દરમિયાન ખાનગી રાહે બાતમી મળી હતી કે, એક ઈસમ નેશનલ હાઇવે નંબર-53 સોનગઢથી સુરત જતા રોડ પર એક સફેદ કલરની ટોયોટો ઈટીઓસ કાર નંબર GJ/05/JA/5044માં પાછળના ભાગે સેલવાસ ખાતેથી ઇંગ્લિશ દારૂનો જથ્થો ભરી ધરમપુર-વાંસદા થઈ બાજીપુરા થઈ બારડોલી તરફ જનાર છે જે બાતમીના આધારે પોલીસ સ્ટાફના માણસો નેશનલ હાઇવે નંબર 53 પર બાજીપુરા બાયપાસ કટ પર આવી અલગ-અલગ ટીમ બનાવી વ્યારા બારડોલી વાળા ટ્રેક પર વોચમાં ઉભા હતા તે દરમિયાન વ્યારા તરફથી બાતમી વાડી સફેદ કલરની ટોયટો કાર આવતા જોઈ પોલીસે કાર ચાલકને લાકડીના ઇશારે રોકવાનો પ્રયત્ન કરતા કાર ચાલકે પોતાની કાર પૂરઝડપે હંકારી દેતા પોલીસ સ્ટાફના માણસો ખાનગી વાહનમાં બેસી તે કારનો પીછો કરતા કાર ચાલકે બાજીપુરા સુમુલ ડેરી પાસેથી મઢી જતા રોડ પર પોતાનું વાહન વાડી આગળ અહંકારી લઈ જતો હતો તે દરમિયાન પોલીસે તીતવા ગામની સીમમાં મઢી ગામ તરફ જતા રોડ પર ઉમિયા ટિમ્બર માર્ટની થોડી આગળ કારને ખાનગી વાહનો દ્વારા આયોજન પૂર્વક કોર્ડન કરી રોકી લીધી હતી.

ત્યારબાદ પોલીસે કાર ચાલકને ઝડપી પાડી તેનું નામ પૂછતા તેણે પોતાનું નામ, ભાવેશભાઈ મોહનભાઈ પ્રજાપતિ (રહે.સાયણ ગામ, ઓલપાડ, જિ.સુરત)નાં હોવાનું જણાવ્યું હતું અને પછી પોલીસે કારમાં ચેક કરતાં પાછળના ભાગે સીટ પર તથા સીટ પાસે પગ મુકવાની જગ્યાએ ભારતીય બનાવટની અલગ-અલગ બ્રાન્ડની ઇંગ્લિશ દારૂનો જથ્થો અને છૂટી બોટલો વાળો ભરેલ દારૂનો મુદ્દામાલ મળી આવ્યો હતો. જોકે દ પોલીસે વધુ પૂછપરછ હાથ ધરતા જાણવા મળ્યું હતું કે, આ ઈંગ્લીશ દારૂનો જથ્થો દમણ ખાતેના વિક્કી પટેલે ભરાવી આપ્યો હતો અને આ દારૂનો જથ્થો ઓલપાડમાં સૂરજ નામના ઇસમને આપવાનો હતો. આમ પોલીસે સ્થળ પરથી કાર ઇંગ્લિશ દારૂની નાની મોટી 804 બોટલો જેની કિંમત રૂપિયા 1,62,000/- તેમજ 1 નંગ મોબાઈલ અને કાર મળી કુલ રૂપિયા 5,64,000/-નો મુદ્દામાલ કબ્જે કરી ઝડપાયેલ ભાવેશ પ્રજાપતિ વિરુદ્ધ ગુનો નોંધી કાયદેસરની કાર્યવાહી હાથ ધરી હતી, જયારે દારૂ ભરાવી આપનાર અને મંગાવનાર બંને ઈસમોને વોન્ટેડ જાહેર કરવામાં આવ્યા હતા.