સિંગપુર ગામમાં વરલી મટકા જુગારના અડ્ડા પર પોલીસ જવાનોએ દરોડા પાડ્યા હતા. જુગારના સ્થળ પરથી કુલ રૂપિયા 52,368/- ના મુદ્દામાલ સાથે એક આરોપીને ઝડપી પાડ્યો હતો.

તાપી ડીવાયએસપી સ્ટાફના માણસોને મળેલ બાતમીના આધારે જુગારના અડ્ડા પર દરોડા પાડ્યા હતા. સોનગઢ તાલુકાના સીંગપુર ગામમાં દાનીયેલ ફતેસિંગભાઈ ગામીતના ખેતરમાં બેસી લોકો પાસેથી તથા મોબાઈલ ફોન ઉપર મુંબઈ થી નીકળતા મિલન,કલ્યાણ બજારના આંકો ઉપર હાર જીતનો જુગાર રમી-રમાડી રોકડા રૂપિયા 11,868/- તથા જુગારના સાધનો તેમજ એક મોટર સાયકલ જેની કિંમત રૂપિયા 40,000/- મળી કુલ રૂપિયા 52,368/- ના મુદ્દામાલ સાથે ભરતભાઈ દિનેશભાઈ ગામીત રહે,મોટી ખેરવાણ,પારસી ફળિયું-સોનગઢ નો પકડાઈ ગયો હતો.

જયારે 5 આરોપીઓ નાશી છુટ્યા હતા. બનાવ અંગે હેડકોન્સ્ટેબલ સંદીપભાઈની ફરિયાદના આધારે ઉકાઈ પોલીસ મથકે આરોપીઓ વિરુદ્ધ ગુનો દાખલ કરવામાં આવ્યો છે.