સમગ્ર રાજ્યમાં ‘પરિશ્રમને અજવાળીએ’ કેમ્પેઈન અંતર્ગત સ્થાનિક સ્તરે નાના વેપારીઓના રોજગાર વૃદ્ધિના શુભ હેતુથી આ કેમ્પેઈન 1 નવેમ્બર થી 20 નવેમ્બર, 2023 સુધી ચાલનાર છે. જેમાં નાના-મધ્યમ વેપારીઓના વેપારને પ્રોત્સાહન મળે તે માટે સ્થાનિક કારીગરો પાસેથી ચિજ વસ્તુઓ ખરીદી તેની રીલ/ વીડિયો કે વિડિયો બનાવી #vocalforlocal હેશટેગનો ઉપયોગ કરી સોશિયલ મીડિયા ઉપર મુકવામાં આવી રહ્યા છે.

ત્યારે તાપી જિલ્લામાં વ્યારા ખાતે આવેલ હસ્તકલા પ્રદર્શન મેળો સ્થાનિકો પાસેથી દિવાળી પર્વને અનુરૂપ સુશોભનને લગતી ચિજ વસ્તુઓ ખરીદવાનો લાહ્વો સમાન છે. જેમાં ડોલવણ તાલુકાના વાંકલા ગામના રહેવાસી નિતાબેન કોટવાડીયાના વાંસની બનાવટની સ્ટોલ આક્રષણનું કેન્દ્ર બની છે. જેમાં ઉપલબ્ધ વિવિધ સાજસજાવટની વસ્તુઓ ખરીદવાનો અનેરો ઉવસર છે. તાપી જિલ્લામાં નાના-મધ્યમ વેપારીઓના વેપારને પ્રોત્સાહન મળે તે માટે @InfoGujarat અને @infotapigogને ટેગ કરી રીલ બનાવી શેર કરી શકો છો. જિલ્લાના લોકલ કલાકારોને આર્થીકરૂપ મદદરૂપ થઇ ‘વોકલ ફોર લોકલ’ બનવા જિલ્લા તંત્ર દ્વારા પણ જાહેર જનતાને ખાસ અનુરોધ કરાયો છે.