ઉચ્છલ તાલુકાના જામણઝર ગામ પાસેથી એક કારમાંથી વગર પાસ પરમિટે દારૂના જથ્થા સાથે એક ઈસમને ઝડપી પાડી પોલીસે કાર્યવાહી હાથ ધરી હતી.

મળતી માહિતી મુજબ, ઉચ્છલ પોલીસ સ્ટાફના માણસો શનિવારે સાંજે પેટ્રોલીંગમાં હતા. તે દરમિયાન મળેલ બાતમીના આધારે, જામણઝર ગામના અંતરીયાળ રસ્તા પરથી એક સફેદ કલરની સેન્ટ્રો કારમાં ગેરકાયદે વિદેશી દારૂનો જથ્થો ભરીને લઈ આવી રહ્યા છે જે બાતમીના આધારે પોલીસે ભડભૂંજા ગામ નજીક વોચ ગોઠવી ઉભા હતા તે સમયે બાતમી વાળી કાર નંબર જીજે/05/સીજે/3422 આવતા જોઈ તેને અટકાવી તેમાં તપાસ હાથ ધરતા કાર માંથી વગર પાસ પરમિટે વિદેશી દારૂની 65 બોટલો મળી આવી હતી જેની કીંમત રૂપિયા 11,550/- હતી. આમ, પોલીસે દારૂની બોટલો, કાર તેમજ એક નંગ મોબઈલ મળી કુલ રૂપિયા 82,550/-નો મુદ્દામાલ કબ્જે કરી ગુણવંતભાઈ મુળજીભાઈ પટેલ (રહે.ભીમરાડ, સુરત)ની ધરપકડ કરી પોલીસે કાયદેસરની કાર્યવાહી હાથ ધરી હતી.