મનિષા સુર્યવંશી/વ્યારા : વાલોડ તાલુકાનાં બુહારી ગામે એક ટ્રક ચાલકે બાઈકને અડફેટે લેતાં બાઈક ચાલકને ગંભીર ઈજા પહોચ્યું હોવાનો બનાવ વાલોડ પોલીસ મથકે નોંધાયો છે. મળતી માહિતી મુજબ, વાલોડ તાલુકાનાં દાદરિયા ગામનાં જૂની નિશાળ ફળિયામાં રહેતા ફરિયાદી મહેશભાઈ ચંપકભાઈ ગામીતએ બનાવ અંગે વાલોડ પોલીસ મથકે ફરિયાદ આપતા જણાવ્યું હતું કે, તેમનો નાનો ભાઈ કૌશિકભાઈ ગામીત (ઉ.વ.36) નાનો તા.07/11/2022નાં રોજ સવારે 10 કલાકનાં અરસામાં મોટરસાઈકલ નંબર GJ/26/D/3188ને લઈને વાલોડથી બુહારી આવતાં હતા.

તે સમયે તેની આગળ ચાલતી ટ્રક નંબર GJ/05/BU/6811નાં ચાલકે પોતાના કબ્જાની ટ્રક પુરઝડપે અને ગફલતભરી રીતે હંકારી લાવી બુહારી ગામનાં વૃંદાવન સોસાયટી સામે રોડ ઉપર ડિવાઈડર પાસે અચાનક ટ્રક વાળી દઈ કૌશિકભાઈની મોટરસાઈકલને અડફેટમાં લીધી હતી. જોકે ટ્રક ચાલક અકસ્માત કરી પોતાના કબ્જાની ટ્રક સ્થળ ઉપર મૂકી નાશી છૂટ્યો હતો. આ અકસ્માતના બનાવમાં મોટરસાઈકલ ચાલક કૌશિકભાઈનાં ડાબા પગના ભાગે ગંભીર ઈજા પહોંચતા સારવાર હેઠળ ખસેડવામાં આવ્યો હતો. વાલોડ પોલીસે ટ્રક ચાલક વિરુદ્ધ ગુનો નોંધી કાયદેસરની કાર્યવાહી હાથ ધરી હતી.