મનિષા એસ. સુર્યવંશી/વ્યારા : વ્યારા તાલુકાનાં સરૈયા ગામની સીમમાં આવેલ રોડ ઉપર ગત તા.21/04/2023નાં આયુશકુમાર અશોકભાઈ ચૌધરી (રહે.ધામોદલા ગામ, પટેલ ફળિયું, વાલોડ) નાંઓએ પોતાના કબ્જાનું મહેન્દ્ર પીકઅપ ગાડી નંબર GJ/26/T/8685 લઈને વ્યારા ખાતે આવતાં હતા અને તેમની સાથે ક્લીનરમાં દીપભાઈ જીતેન્દ્રભાઈ ચૌધરી હતા.

તે સમયે સિદ્ધાર્થભાઈ અમરસિંગ ચૌધરી (રહે.શિવ શક્તિ-નગર, વ્યારા) નાએ પોતાના કબ્જાની સ્વીફ્ટ ફોર વ્હીલ કાર નંબર GJ/26/N/7077ને પુરઝડપે અને ગફલતભરી રીતે હંકારી સામેથી આવતી મહેન્દ્ર પીકઅપ ગાડીને અડફેટે લેતાં અકસ્માત સર્જાયો હતો. જોકે આ અકસ્માતમાં ચાર લોકોને નાની-મોટી ઈજા પણ થઈ હતી. બનાવ અંગે આયુશકુમાર ચૌધરી નાએ ગતરોજ વ્યારા પોલીસ કાર ચાલક સામે ફરિયાદ આપી હતી.