સોનગઢ-ઉકાઈ રોડ ઉપર આવેલ ભીમપુરા ત્રણ રસ્તા પાસે મનીષભાઈ બોનદલિયાભાઈ ગામીત જે ટેલરીંગ કામ કરી પોતાનું તથા પરિવારનું ગુજરાન ચલાવે છે. મનીષભાઈ રોજિંદા ક્રમ મુજબ ગત તા.28મી ઓગસ્ટના રોજ રાત્રિના સમયે પોતાની ટેલરીંગની દુકાન બંધ કરી ઘરે ગયા હતા. ત્યારબાદ લગભગ સવારના પાંચ વાગ્યાના સમયે તેમની દુકાનમાં ઇલેક્ટ્રિક વાયરોમાં શોર્ટ સર્કિટ થતા આગ લાગી હતી અને આ આગ અંગેની જાણ આસપાસના લોકોને થતા તે દોડી આવ્યા હતા અને પાણીથી આગ ઓલાવી હતી આગ વધુ પ્રસરે તે પહેલા જ સ્થાનિક લોકોએ આગ પર કાબુ મેળવી લીધી હતી. જયારે આ આગમાં ગ્રાહકોના સીવેલા કપડા, દુકાનમાં રાખેલ સિલાઈ મશીન અને ઈલેક્ટ્રિક અસ્ત્રી, ટેબલ સહિતનું ફર્નિચર બળી જતા મનીષભાઈને મોટું નુકશાન થયું હોવાનું જાણવા મળ્યું હતું.