સુરતનાં ઓલપાડ તાલુકાનાં એરથાણથી જતા ટકારમા રોડ નજીકથી એક બ્રેઝા કારમાંથી રૂપિયા 2.22 લાખનો દારૂ ઝડપી પાડ્યો હતો. મળતી માહિતી મુજબ, સુરત જિલ્લા LCBને બાતમી મળી હતી કે, ફરહાન (રહે.,વરિયાળી બજાર, સુરત) તથા સંદીપ (રહે.,દાંડી, તા.ઓલપાડ) નાંએ દમણથી એક લાલ કલરની બ્રેઝા કાર નંબર GJ/06/LK/8431માં વિદેશી દારૂનો જથ્થો મંગાવ્યો છે. જે દારૂનો જથ્થો ગાડીમાં ભરી દમણથી કોસંબા થઇ સુરત તરફ જનાર છે. જે બાતમીના આધારે એરથાણથી ટકારમા જતા રોડની બાજુમાં હળપતિવાસની પાછળ નહેર વોચ ગોઠવી એક કારને રોકવાની કોશિશ કરતાં પોતાની ગાડી રિવર્સ ચલાવી પોતાના કબ્જાની ગાડી મૂકી અંધારાનો લાભ લઈ શેરડીના ખેતરોમાં નાસી ગયા હતા અને બ્રેઝા કારમાં તપાસ કરતાં તેમાંથી રૂપિયા 2,22,200/-નો મુદ્દામાલ મળી આવ્યો હતો. આ બનાવમાં કાર મૂકી નાસી જનાર ચાલાક અને તેના બાજુમાં બેઠેલો ઈસમ તથા ફરહાન અને સંદીપને વોન્ટેડ જાહેર કર્યા હતા.