પાંડેસરા ખાતે મારુતિ ઇન્ડસ્ટ્રીયલ એસ્ટેટમાં સવારે જરી અને બોબીનના કારખાનામાં અચાનક આગ લાગતાં ભાગદોડ થઇ ગઇ હતી.

 

 

 

 

ફાયર બ્રિગેડ પાસેથી મળેલી માહિતી અનુસાર, પાંડેસરામાં દક્ષેશ્વર મંદિર પાસે મારુતિ ઇન્ડસ્ટ્રીયલ એસ્ટેટમાં જરી અને બોબીનના કારખાનામાં સવારે ચારથી પાંચ જેટલા વ્યક્તિઓ કામ કરતા હતા. તે સમયે અચાનક આગ ફાટી નીકળતા ત્યાં કામ કરતા વ્યક્તિઓ બહાર દોડી ગયા હતા. જોત જોતામાં આગ ફેલાતા ધુમાડાના ગોટેગોટા નીકળવા માંડયા હતા.

 

 

 

જેના લીધે આજુબાજુના લોકોમાં નાસભાગ થઈ જવા પામી હતી. કોલ મળતા ફાયરબ્રિગેડે પહોંચી દોઢ-બે કલાકમાં આગ કાબૂમાં લીધી હતી. આગમાં જરી, બોબીનના ફિરકા, લેસપટ્ટી, ફનીચર સહિતની ચીજવસ્તુઓ નુકસાન થયું હતું. ઇજા કે જાનહાનિ થઇ ન હોવાનું ફાયર સૂત્રોએ જણાવ્યું હતું.