કડોદરાના જોળવાગામ નક્ષત્ર રેસીડેન્સીમાં રહેતા પવનભાઈ દ્રારકાપ્રસાદ ગુપ્તા છેલ્લા દસ મહિનાથી  સુરત કડોદરા રોડ ખાતે શ્રી કુબેરજી વર્લ્ડ ટેક્ષટાઈલ માર્કેટમાં સંજીવની એન્ટરપ્રાઈઝના નામે ત્રીજા માળે ઓફિસ અને પાંચમાં માળે ગોડાઉન ધરાવે છે. દરમિયાન ગત તા ૨ના શનિવારના રોજ સવારે સાડા આઠથી દસ વાગ્યાના આરસામાં  ચારથી પાંચ અજાણ્યાઓએ તેમના ગોડાઉનમાં ત્રાટક્યા હતા. તસ્કરોએ ગોડાઉનના શટલને મારેલ તાળાનો લોક ડુપ્લીકેટ ચાવીથી ખોલી અંદર ઘુસ્યા હતા. અને નીટીંગ લાયકા કાપડનો ડાઈંગ પ્નિન્ટીંગ કરાવેલ તૈયાર માલ પૈકી ૭૫ તાકા કુલ ૮૯૨૫ મીટર જેની કિંમત રૂપિયા ૫,૩૫,૦૦૦/-ના મતાની ચોરી કરી નાસી ગયા હતા. બનાવ અંગે પવનભાઈએ ગઈકાલે ફરિયાદ નોધાવતા પોલીસે ગુનો દાખલ કરી સીસીફુટેજના આધારે તપાસ શરુ કરી છે.