સુરત એલસીબી ગ્રામ્ય પોલીસ સ્ટાફનાં માણસો પ્રોહી ગુના અંગે કડોદરા પોલીસ મથક વિસ્તારમાં પેટ્રોલીગમા હતા. તે દરમિયાન ખાનગી રાહે બાતમી મળી હતી કે, હરીપુરા ગામે રહેતો અજય ઉર્ફે કાળુ રમેશ રાઠોડ નાનો પોતાના ઘરે વાડાના ભાગે ભારતીય બનાવટનો વિદેશી દારૂનો જથ્થો સંતાડી રાખેલ છે. જે બાતમીનાં આધારે સ્થળ ઉપર છાપો મારતા અજય ઉર્ફે કાળુ રમેશભાઇ રાઠોડ (ઉ.વ.28, રહે. હરીપુરા ગામ, ખોડીયાર નગર, પલસાણા) નાઓ ઘરમાં હાજર મળી આવ્યા હતા.

જેથી પોલીસે તેને સાથે રાખી ઘરમા તથા પાછળના ભાગે બનાવેલ વાડામા તપાસ કરતા વિદેશી દારૂ ભરેલ કોથળા તથા બોક્ષમાં છુપાવેલી જુદી-જુદી બ્રાંડની કુલ 138 બોટલો મળી આવી હતી જેની કિંમત રૂપિયા 26,400/- હતી. જોકે પોલીસે વિદેશી દારૂ કબ્જે કરી પકડાયેલ આરોપી તથા વિદેશી દારૂનો જથ્થો આપી જનાર આરોપી વિરૂધ્ધમાં ગુનો નોંધી કાયદેસરની કાર્યવાહી હાથ ધરી હતી.