પલસાણા તાલુકાના કરાળા ગામે રહેતા પિતા અને પુત્ર પોતાની મોટરસાઈકલ કરાળાથી લઈ તાતીથૈયા ગામે જઈ રહ્યા હતા. તે દરમિયાન સામેથી પુરઝડપે આવતી મોટરસાઈકલ એ ટક્કર મારતા પિતા-પુત્રને માથાના ભાગે ગંભીર ઈજા થતા તેઓનું ઘટના સ્થળે જ મોત નીપજ્યું હતું.

પોલીસ સુત્રોથી મળતી માહિતી અનુસાર પલસાણા તાલુકાના કરાળા ગામે હળપતિનિવાસમાં રહેતા કિશનભાઈ રાઠોડ તેમજ તેનો પુત્ર રોબી રાઠોડ રાત્રે પોતાની મોટરસાઈકલ(નં.જીજે/19/એન/3174)પર ચલથાણથી તાતીથૈયા જઈ રહ્યા હતા અને તે જ દરમિયાન રેલ્વે ગરનાળાની સામેની બાજુથી પુરઝડપે આવતી મોટરસાઈકલ(નં.જીજે/19/એએસ/8605)સાથે ધડાકા ભેર અથડાઈ હતી. આ અકસ્માતમાં મોટરસાઈકલ પર સવાર પિતા-પુત્રને માથાના ભાગે ગંભીર ઈજાઓ થતા તેઓનું ઘટના સ્થળે જ મોત નીપજ્ય હતું. જ્યારે સામેના મોટરસાઈકલ ચાલકને સામાન્ય ઇજા થતા હોસ્પિટલમાં ખસેડવામાં આવ્યો હતો. આ ઘટના અંગે કડોદરા પોલીસે ગુનો નોંધી આગળની કાર્યવાહી હાથ ધરી છે.