સચીન પોલીસના જણાવ્યા મુજબ સર્વલન્સ સ્ટાફના માણસો ઉત્તરાયણના રોજ સાંજે પેટ્રોલિંગમાં હતા. તે વખતે કોન્સ્ટેબલ અનિરૂધ્ધસિંહ પ્રહલાદસિંહએ મળેલી બાતમીના આધારે સચીન ચાર રસ્તા પાસેથી ઈંગ્લીશ દારૂ ભરેલ સ્વિફ્ટ કાર સાથે મહેન્દ્ર અશોક રાણા(રહે.ઉષાનગર સોસાયટી ભાઠેના),  તેજસકુમાર અશોક રાણા (રહે.વુદાવન પાર્ક ઍપાર્ટમેન્ટ ઉષાનગર ભાઠેલા),  નિતીનકુમાર બળવંત રાણા(રહે. શિવ ટાઉનશીપ સોસાયટી ભાઠેના) અને મનોજ મનહરલાલ રામા(રહે.ભષાનગર ભાઠેના)ને ઝડપી પાડ્યા હતા. પોલીસે કારમાંથી ઈંગ્લીશ દારૂની બોટલ નંગ- 21 જેની કિંમત રૂપિયા 29,732/- તથા મોબાઈલ નંગ-4 અને કાર મળી એમ કૂલ રૂપિયા 1,92,732/-નો મુદ્દામાલ કબજે કર્યો હતો.