સુરતનાં પલસાણા તાલુકાનાં કારેલી ગામે રહેતો એક ઈસમ રાત્રી દરમિયાન તેના મિત્રને મળીને પરત ફરી રહ્યો હતો તે દરમિયાન મળવા ગયેલા મિત્રની ભાઈ સાથેની ઝગડાની અદાવતમાં 4 ઈસમોએ મિત્રને મળીને આવતા ઈસમ પર લાકડામાં ફાટકા અને ચપ્પુ વડે હુમલો કર્યો હતો. સુત્રો પાસેથી મળતી માહિતી અનુસાર, પલસાણાનાં કારેલી ગામે ભરવાડ ચાલમાં રહેતા રાજુભાઇ બચુભાઈ ભરવાડ (ઉ.વ.25) જે  ગત તા.30 ડીસેમ્બરના રોજ મોડી રાત્રીએ ગામમાં નંદનવન સોસાયટીમાં રહેતા મિત્ર મુકેશભાઈ જોશીને મળી પરત ફરતા હતા.તે દરમિયાન રસ્તામાં પેપર મીલ નજીક જાહેર રસ્તા પર જ ગામમાં રહેતા આકાશ રાજપુત અને વિક્કી ઉર્ફે બેટરો તથા નવાબ અને એક અજણાયો ઈસમ મળી 4 ઈસમો આવ્યા અને રાજુભાઇના મિત્ર મુકેશભાઈ જોશીના ભાઈ અરુણ જોશી સાથે થયેલા અગાઉના ઝગડાની અદાવત રાખી રાજુ ભરવાડ સાથે ગાળાગાળી કરવા લાગ્યા અને નવાબે રાજુભાઇના માથામાં લાકડાનો સપાટો માર્યો હતો અને વિક્કીએ ચપ્પુ વડે રાજુભાઇને જાંઘના ભાગે ઘા માર્યો હતો અને અન્ય ઇસમે ચહેરા પર ઢીક્કામુક્કીનો મારમાર્યો હતો ઘટનાની જાણ રાજુભાઇના મિત્રને થતા તરત ઘટના સ્થળે દોડી આવી તમામને છોડાવવા જતા મુકેશભાઈને પણ આ ચારેય ઈસમોએ ઢીક્કામુકકાનો માર મારી બનેને બીજીવાર દેખાયા તો જાનથી મારી નાખવાની ધમકી આપી ચારેય ભાગી છૂટ્યા હતા મુકેશભાઈના મિત્ર અર્જુનભાઈએ બંને નજીકની ખાનગી હોસ્પિટલમાં સારવાર હેઠળ ખસેડયા હતા. બનાવ અંગે રાજુભાઇ ભરવાડે પલસાણા પોલીસ મથકમાં 4 ઈસમો વિરુદ્ધ ફરિયાદ નોંધાવતા પોલીસે આગળની તપાસ હાથ ધરી હતી.