નવસારી મોટી ચોવીસી સ્થિત નવા ફળિયા ખાતે રહેતો 26 વર્ષીય અપરણિત યુવક ભીખાભાઈ ખાપાભાઇ રાઠોડ છૂટક મજૂરી કરી માતા સાથે રહી પોતાનું જીવન પસાર કરતો હતો. જોકે રાત્રિના સમયે એકલવાયા જિંદગીથી કંટાળીને ઘરમાં રહેલા છત પર લોખંડની એંગલ સાથે દુપટ્ટો બાંધી ગળે ફાંસો ખાઈ આપઘાત કરી લેતા પંથકમાં ચકચાર મચી હતી. બનાવ અંગે નવસારી પોલીસને માહિતી મળતા સ્થળ પર આવી જરૂરી કાર્યવાહી કરી મૃતદેહને પીએમ કરાવીને વિશેષ એફ.એસ.એલ. મોકલ્યા હતા. જ્યારે આ કેસની વધુ તપાસ હેડ કોન્સ્ટેબલ દ્વારા કરવામાં આવી રહી છે.