તાપી જિલ્લામાંથી ચાર દિવસમાં બે બાઈક ચોરાઈ હોવાનો બનાવ સામે આવ્યો છે.જોકે સમગ્ર મામલે પોલીસે ફરિયાદના આધારે તપાસ શરુ કરી છે.

 

 

 

 

વ્યારાની જનરલ હોસ્પિટલ માંથી દિનદહાડે મોપેડ બાઈકની ચોરી થઇ હોવાની ફરિયાદ થઇ છે.મળતી માહિતી અનુસાર સોનગઢના નાની ખેરવાણ ગામના નિશાળ ફળીયામાં રહેતો ૨૦ વર્ષીય અનીલભાઈ લક્ષ્મણભાઈ ગામીત, ખેતીકામ કરી ગુજરાન ચલાવે છે, તેઓએ પત્નીનામ નામ એક ગ્રે કલરની સુઝુકી કંપની એક્સેસ મોપેડ બાઈક નંબર જીજે/૨૬/એએ/૬૭૨૪ ની ખરીદી હતી અને કામઅર્થે કરતા હતા.

 

 

 

 

તા.૨૩મી ઓગસ્ટ નારોજ સોમવારે સવારે ૧૦ કલાકના અરસામાં અનીલભાઈ ગામીત અને પત્ની તેમજ સાસુ સાથે મોપેડ બાઈક પર બેસી વ્યારા જનરલ હોસ્પિટલ ખાતે પત્નીને ગાયનેક તબીબને બતાવવા માટે આવ્યા હતા. અને મોપેડ ગાડી જનરલ હોસ્પિટલમાં આવેલ મેડીકલ સામે પાર્ક કરી હતી. જોકે તબીબને બતાવ્યા બળે પરત આવતા સ્થળ પર મોપેડ ગાડી નજર પડી ન હતી. જે બાબતે હોસ્પિટલના સિક્યુરિટી ગાર્ડને પૂછવામાં આવતા તેણે ખબર નહી હોવાનું જણાવેલ,અનીલ ગામીતે આસપાસના વિસ્તારમાં પણ મોપેડ ગાડીની શોધખોળ કરી હતી પરંતુ મોપેડ ગાડીનો કોઈ પત્તો લાગ્યો ન હતો. કોઈ અજાણ્યા ઇસમે ગ્રે કલરની સુઝુકી કંપની એક્સેસ મોપેડ ગાડીની ડુબ્લીકેટ ચાવી અથવા ગાડીનો લોક તોડીને ગાડી ચોરી લઇ ગયો હોવાની ફરિયાદ અનીલભાઈ ગામીતે આજરોજ વ્યારા પોલીસ મથકે કરી હતી જેમની ફરિયાદના આધારે પોલીસે બનાવ દાખલ કરી વધુ તપાસ હાથ ધરી છે.

 

 

 

 

કુકરમુંડા તાલુકાના આશ્રવા ગામમાં રહેતા ભવનભાઈ જગન્નાથભાઈ પટેલ જે ખેતી અને પશુપાલન કરી પોતાનું તથા પરિવારનું ગુજરાન ચલાવે છે. ભવનભાઈ નજીકના ગામે ડેરીમાં દરરોજ દૂધ ભરવા માટે પોતાની બાઈક નંબર જીજે/૨૬/જે/૨૩૬૩ વસાવી હતી. ભવનભાઈએ ગત તા.૨૧ ઓગસ્ટના રોજ પોતાની બાઈક લોક કરી આંગણામાં પાર્ક કરી સુઈ ગયા હતા. તે દરમિયાન પાછળથી કોઈ અજાણ્યો ચોર બાઈકનું લોક ડુપ્લીકેટ ચાવીથી તોડી બાઈક લઈ ભાગી ગયા હતા. ભવનભાઇને બાઈક ન દેખાતા તેમને આસપાસના વિસ્તારમાં શોધખોળ કરી હતી પરંતુ બાઈક ન મળી હતી જેથી બનાવ અંગે ભવનભાઈ પટેલે નિઝર પોલીસ મથકમાં અજાણ્યા ચોર વિરુદ્ધ બાઈક ચોરીની ફરિયાદ નોંધાવી હતી.