મનિષા એસ. સુર્યવંશી/તાપી : સોનગઢનાં ભરાડદા ગામે ઝાડ કાપીને લઈ જવા બાબતે એક મહિલા સહીત ત્રણ જણાએ મળી એક ઈસમને મળી લાકડા વડે સપાટો મારી ઝગડો કરી જાનથી મારી નાંખવાની ધમકી આપી હતી. બનાવ અંગે પોલીસે ગુનો નોંધી તપાસ હાથ ધરી હતી.

મળતી માહિતી મુજબ, સોનગઢ તાલુકાના ભરાડદા ગામનાં વાંકણ ફળિયામાં રહેતા મુકેશભાઈ કિશનભાઈ ગામીત નાઓની ગામનાં જ નિશાળ ફળિયામાં સર્વે નંબર 113 વાળી ગૌચર જમીનમાં શુક્રવારના રોજ સવારનાં સમયે ઝાડને કાપીને વિજયભાઈ ઠગણીયાભાઈ ગામીત, જીતેન્દ્રભાઈ વિજયભાઈ ગામીત અને કાંતાબેન વિજયભાઈ ગામીત (ત્રણેય રહે.ભરાડદા ગામ, નિશાળ ફળિયું, સોનગઢ) નાઓ ટ્રકમાં ભરતા હતા. તે સમયે મુકેશભાઈ ગામીત નાએ મોબાઈલમાં ફોટા તથા વિડીયો ઉતારવા લાગ્યા હતા જેથી કાંતાબેનએ બાજુમાં પડેલ લાકડા વડે મુકેશભાઈને ડાબા પગનાં ઘુંટણનાં ભાગે એક સપાટો માર્યો હતો. તેમજ વિજયભાઈ તથા જીતેન્દ્રભાઈ પણ મુકેશભાઈને ચુંટણીની અદાવત રાખીને નાલાયક ગાળો આપી જાનથી મારી નાંખવાની ધમકી આપી હતી. બનાવ અંગે મુકેશભાઈ ગામીત નાએ રવિવારનાં રોજ ત્રણેય સામે ગુનો નોંધાવતા પોલીસે ગુનો નોંધી કાયદેસરની કાર્યવાહી હાથ ધરી હતી.