સોનગઢ પોલીસ મથકના માઇન્સ એન્ડ મીનરલ ડેવલપમેન્ટ એન્ડ રેગ્યુલેશન એક્ટ મુજબના ગુનાના ત્રણ વર્ષથી નાસતા-ફરતા આરોપીને તાપી એસઓજીની ટીમે ઝડપી પાડી કાયદેસરની કાર્યવાહી હાથ ધરી છે,

 

 

 

 

મળતી માહિતી અનુસાર તાપી એસઓજી પોલીસ સ્ટાફના માણસો સોનગઢ પોલીસ સ્ટેશન વિસ્તારમાં પેટ્રોલિંગમાં હતા તે દરમ્યાન  બાતમી મળી હતી કે,અરવિંદ ખંડુ પટેલ રહે, દુબળ ફળીયુ તા.વાંસદા જી.નવસારીનો સોનગઢ પોલીસ મથકના માઇન્સ એન્ડ મીનરલ ડેવલપમેન્ટ એન્ડ રેગ્યુલેશન એક્ટ મુજબના ગુનામાં સંડોવાયેલ છે અને ઘણા સમયથી નાસતો ફરે છે અને હાલ તે ગામ-બંધારપાડા ગામે બસસ્ટેન્ડ પાસે આવનાર છે.

 

 

 

 

જે આધારે તપાસ કરતા બાતમી વાળી જગ્યા ઉપરથી  અરવિંદ ખંડુ પટેલ નામનો વ્યક્તિ મળી આવતા તેને સોનગઢ પોલીસ મથકે નોંધાયેલ ગુ.ર.નં.78/2018 મુજબના ગુનાના કામે સીઆરપીસી 41(1) આઇ મુજબ અટક કરી સોનગઢ પોલીસને સોંપ્યો હતો. આમ છેલ્લાં ત્રણ વર્ષથી નાસતા ફરતા આરોપીને પકડી પાડવામાં એસઓજી-તાપી ને સફળતા મળી છે.