સોનગઢના સિંગપુર રોડ ઉપર વાંકવેલ ગામની સીમમાં આવેલ બીયાજીભાઈ ગામીતની દુકાન સામે ગત તારીખ ૧૨/૦૯/૨૦૨૨ નારોજ એક ફોર વ્હીલ નંબર જીજે/૧૯/એએફ/૭૭૭૮ના અજાણ્યા ચાલકે પોતાની કબજાની ફોર વ્હીલ ગાડી પુર ઝડપે અને ગફલતભરી રીતે હંકારી લઇ આવી બાઈક નંબર જીજે/૨૬/એમ/૮૪૫૪ ને ટક્કર મારતા બાઈક ચાલક આશિષભાઈ અને તેમની સાથે બાઈક પાછળ બેસેલા રતનભાઈ મગનભાઈ ગામીત (ઉ.વ.૭૫) રહે,દેવજીપુરા-સોનગઢ,બંને જણા બાઈક પરથી નીચે બને જણાંને શરીરે ઈજાઓ પહોંચતા સારવાર અર્થે ખસેડવામાં આવ્યા હતા.

જોકે રતનભાઈ ગામીતની તબિયત લથડતા વધુ અર્થે સુરત ખાતેની હોસ્પિટલમાં રીફર કરવામાં આવ્યા હતા જેમનું લાંબી સારવાર દરમિયાન મોત નિપજ્યું હતું જેની ફરિયાદે ખટોદરા પોલીસ મથકે દાખલ કરવામાં આવ્યા બાદ ૦ નંબરથી સોનગઢ પોલીસ મથકે નોંધવામાં આવી છે, બનાવ અંગે મૃતક અડેધની દીકરી મીનાબેન રાજેશભાઈ ગામીત રહે,જેસિંગપુરા ટેકરા-સોનગઢ નાની ફરિયાદના આધારે તા.૩૦/૦૯/૨૦૨૨ નારોજ પોલીસે ફોર વ્હીલ નંબર જીજે/૧૯/એએફ/૭૭૭૮ ના અજાણ્યા ચાલક વિરુદ્ધ ગુનો નોંધી વધુ તપાસ હાથ ધરી છે.