સોનગઢના ધજંબા ગામના એક ૪૯ વર્ષીય શખ્સે મગજની બીમારીથી કંટાળી જઈ આપઘાત કર્યો હોવાનો બનાવ સોનગઢ પોલીસ મથકે નોંધાયો છે.

મળતી માહિતી મુજબ સોનગઢ તાલુકાના ધજંબા ગામના તાડફળીયામાં રહેતો બાબુભાઈ કાસમભાઈ ગામીત (ઉ.વ.૪૯) નાનો મગજની બીમારીથી પીડાતો હોય,જેથી બીમારીથી કંટાળી જઈ  મોડીરાત્રે આશરે ૨ કલાકના અરસામાં તેણે પોતાના ઘરે કોઈ કીટ નાશક જેવી ઝેરી દવા પી લેતા વ્યારા ખાતે જનરલ હોસ્પિટલમાં સારવાર અર્થે ખસેડવામાં આવ્યો હતો, જોકે ફરજ પરના તબીબે બાબુભાઈ ગામીતને મૃત જાહેર કર્યો હતો. બનાવ અંગે સુમનબેન બાબુભાઈ ગામીતની ફરિયાદના આધારે સોનગઢ પોલીસે બનાવ દાખલ કરી નિયમોનુસારની કાર્યવાહી હાથ ધરી છે.