સુરત કડોદરા રોડ કુંભારીયા બસ સ્ટેન્ડની સામે સંગીની ટેક્સટાઈલ હબમાં રિધ્ધિ સિધ્ધિ ઈન્ટરનેશનલ નામના ગોડાઉનમાંથી કારીગરે તેના મિત્ર સાથે મળી કુલ રૂપિયા ૧.૭૭ લાખના મતાનો જુટ રસલ ગારમેન્ટ કાપડના તાકાનો જથ્થો ચોરી કરી નાસી ગયો હતો,

બનાવ અંગે પોલીસ સુત્રો પાસેથી મળતી વિગત મુજબ અલથાણ ન્યુ સીટીલાઈટ દેવરાજ રેસીડન્સીમાં રહેતા રમેશકુમાર મોહનલાલ સારડા (ઉ.વ.૫૬) કાપડના વ્યવસાય સાથે સંકળાયેલા છે અને સુરત કડોદરા રોડ કુંભારીયા બસ સ્ટેન્ડની સામે સંગીની ટેક્સટાઈલ હબમાં રિધ્ધિ સિધ્ધિ ઈન્ટરનેશનલના નામે ગોડાઉન ધરાવે છે. રમેશકુમાર તેના ગોડાઉનમાં નોકર તરીકે  યોગેશ મહેશ્વરી (રહે, ઈન્ટરસીટી ટાઉન શીપ) અને મુકેશ માલી (રહે, લાભુભા નગર આઈમાતા રોડ) ને રાખ્યો હતો.દરમ્યાન આ બંને નોકરોઍ  ગત તા ૧૦ જુન પહેલા ગોડાઉનમાંથી કુલ રૂપિયા ૧,૭૭,૩૦૦ના મતાના ૩૭૩૬ મીટર જુટ રસલ ગારમેન્ટ કાપડના તાકા ચોરી કરી નાસી ગયા હતા. બનાવ અંગે પોલીસે રમેશકુમારની ફરિયાદ લઈ બંને આરોપી્ઓ સામે ગુનો દાખલ કરી તપાસ હાથ ધરી છે.