નર્મદા જિલ્લા આપત્તિ વ્યવસ્થાપન કેન્દ્ર નર્મદા-રાજપીપલા દ્વારા શાળા સલામતી સપ્તાહ ૨૦૨૪ની ઉજવણીના ભાગરૂપે તા.૩૦મી જાન્યુઆરીના રોજ દેડીયાપાડા તાલુકાની ઝરણાવાડી અને સામરપાડા, નાંદોદ તાલુકાની રાજપીપલા શાળા નં.૫ અને તિલકવાડા તાલુકાની દેવલિયા સરકારી પ્રાથમિક શાળાઓમાં આપત્તિ વ્યવસ્થાપન અંગે મેગા ઈવેન્ટ ડેમોસ્ટ્રેશનનું આયોજન કરવામાં આવ્યું હતું. મેગા ઈવેન્ટ ડેમોસ્ટ્રેશનના ભાગરૂપે હાજર રહેલા વિધાર્થીઓને આગ, શોધ અને બચાવ તેમજ પ્રાથમિક સારવાર અંગે નર્મદા આપત્તિ વ્યવસ્થાપન સ્ટાફ દ્વારા વિસ્તૃતમાં માહિતી પુરી પાડવામા આવી હતી.