સોનગઢના ઇસ્લામપુરા ટેકરા પાસેથી વોન્ટેડ આરોપીને ઝડપી પાડવામાં જિલ્લા એસઓજી ટીમને સફળતા મળી છે.ઝડપાયેલો આરોપી દારૂના ગુનામાં વોન્ટેડ હતો અને નાસતો ફરતો હતો.

મળતી માહિતી અનુસાર તાપી એસઓજી શાખાના માણસો પો.કો.ધનંજયભાઇ ઇશ્વરભાઇ તથા વિપુલભાઇ રમણભાઇ,દિગ્વિજયસિંહ કોદરસિંહ નાઓ સાથે સોનગઢ પોલીસ સ્ટેશન વિસ્તારમાં પેટ્રોલિંગમાં હતા. તે દરમ્યાન હે.કો.દાઉદભાઇ ઠાકોરભાઇ તથા પો.કો.વિપુલભાઇ રમણભાઇ નાઓને મળેલ સંયુક્ત બાતમી હકિકતના આધારે સોનગઢ પોલીસ સ્ટેશનમાં નોંધાયેલ દારૂના ગુનામાં સંડોવાયેલ આરોપી ફઝરઅલી ઉર્ફે ચેનગ્રીયો ઇમ્તિયાજ અલી સૈયદ ઉ.વ.૨૭,ધંધો,વેલ્ડીંગ.રહેવાસી,નવાપુર,ભગતવાડી,તા.નવાપુર જી.નંદરબાર નાને આજરોજ સોનગઢ ઇસ્લામ પુરા ટેકરા પાસેથી ઝડપી પાડી આરોપીની સી.આર.પી.સી ૪૧(૧) આઇ મુજબ કાયદેસર કાર્યવાહી કરી હતી.