રશિયાએ 50 વર્ષ પછી બીજી વખત ચંદ્ર મિશન શરૂ કર્યું, જે તારીખ 21 ઓગસ્ટે ચંદ્રની સપાટી પર ઉતરવાનું હતું. જોકે, રોસકોસમોસ અનુસાર, Luna-25 સ્ટેશન ચંદ્ર સાથે અથડાયું, જેના કારણે મિશન નિષ્ફળ ગયું છે. તમને જણાવી દઈએ કે, રશિયાએ તારીખ 11 ઓગસ્ટનાં રોજ Luna-25 લોન્ચ કર્યું હતું. અગાઉ, શનિવારે, રશિયન સ્પેસ એજન્સી રોસકોસમોસે પુષ્ટિ કરી હતી કે, રશિયાના Luna-25 અવકાશયાનમાં તકનીકી ખામી સર્જાઈ હતી.

રોસકોસ્મોસે શનિવારે જણાવ્યું હતું કે, લેન્ડિંગ પહેલાં ભ્રમણકક્ષા બદલતી વખતે અસામાન્ય સ્થિતિને કારણે Luna-25 ભ્રમણ કક્ષાને યોગ્ય રીતે બદલી શક્યું નથી. સ્પેસ એજન્સીએ જણાવ્યું હતું કે, નિષ્ણાતો હાલમાં અચાનક સમસ્યાનો સામનો કરવામાં અસમર્થ હતા. તે જ સમયે, અગાઉ એવી અપેક્ષા હતી કે Luna 21 ઓગસ્ટનાં રોજ ચંદ્રની સપાટી પર ઉતરશે. રોસકોસ્મોસે અહેવાલ આપ્યો હતો કે, Luna-25 એ ચંદ્રના ગ્રાઉન્ડ ક્રેટર્સની તસવીરો પોસ્ટ કરી છે. તે ચંદ્રના દક્ષિણ ગોળાર્ધમાં ત્રીજો સૌથી ઊંડો ક્રેટર્સ છે, જેનો વ્યાસ 190 કિમી અને 8 કિમીની ઊંડાઈ છે. એજન્સીનું કહેવું છે કે, Luna-25થી અત્યાર સુધી મળેલા ડેટા પરથી ચંદ્રની જમીનમાં રહેલા રાસાયણિક તત્વો વિશે જાણકારી મળી છે.