સુરત જિલ્લાનાં કોસંબા ખાતે નજીવી બાબતે ઉશ્કેરાયેલા ઈસમે ૧૭ વર્ષીય સગીર વડે હુમલો ઉપર ચપ્પુ વડે હુમલો કરી તેને જાનથી મારી નાંખવાની ધમકી આપી હતી. મળતી માહિતી મુજબ, અઇમાન યુસુફ રોખ (ઉ.વ.૧૭) અને સોહેલ સલીમ સૈયદ કોસંબા ગામની સીમમાં આવેલા ઓકે એપાર્ટમેન્ટની બાજુમાં ખુલ્લી જગ્યામાં ઉભા હતા.

જે દરમિયાન હનીફ ઉર્ફે બાબુ હમીદ મલેક બુલેટ લઈને ત્યાં આવ્યો હતો અને તેણે અઈમાન શેખને જણાવ્યું હતુ કે, ‘તુ અહીં કેમ ઊભો છે’ આમ કહ્યા બાદ તે અપશબ્દો કહેવા માંડયો હતો. આથી અઈમાને ગાળો ન બોલવાનું જણાવતા ઉશ્કેરાય ગયેલા હનીફ ઉર્ફે બાબુએ તેનાં પાસે રહેલા ચપ્પુ વડે ૧૭ વર્ષીય અઇમાન ઉપર થા ઝૌકી દીધા હતા. આ સાથે જ આઈમાન શેખ લોહીલુહાણ થઈ ગયો હતો. જે બાદ હનીક તેને જાનથી મારી નાંખવાની ધમકી આપી ત્યાંથી ફરાર થઈ ગયો હતો.