કામરેજ પોલીસે વલથાણ ખાતેથી ચોરી કરનાર ત્રણ આરોપીઓની ચોરીના મુદ્દામાલ સાથે અટક કરવામાં આવી હતી. મળતી માહિતી અનુસાર, વલથાણનાં કિષ્ના બંગ્લોઝમાં ચોરી કરનાર ત્રણ ઇસમો મોટરસાયકલ ઉપર ચોરીનાં મુદ્દામાલ સાથે વાવ ગામનાં પાટીયા પાસે ઉભા હોય અને તેઓ સુરત ખાતે મુદ્દામાલ વેચવા માટે જનાર હોવાની બાતમી કામરેજ પોલીસને મળી હતી.

ત્યારબાદમાં હરકતમાં આવેલ કામરેજ પોલીસે ઉપરોક્ત બાતમી વર્ણન અનુસાર સ્થળ પર જઈને ત્રણેય આરોપીઓને ચોરીનાં મુદ્દામાલ સાથે દબોચી લીધા હતા. પોલીસે આરોપીઓ પાસેથી ૩૦ કિંમતનાં પાંચ મોબાઈલ ફોન, ૧૫ હજાર કિંમતની ટીવી, ૨૦ હજાર કિંમતની બાઈક મળી કુલ ૬૫ હજાર રૂપિયાનો મુદ્દામાલ કબ્જે કર્યો હતો. તેમજ પોલીસે રામબાબુ ઉર્ફે ડાબલા રામલખન રાજભર, પ્રવિણ નટ વણોદીયા (બંને રહે.જોળવા ગામ, પલસાણા) અને મહેશ ચંદુ પાથલકર (રહે.બારડોલી)ની અટક કરી હતી.