તાપી જિલ્લા ચુંટણી અધિકારી અને કલેકટર, તાપી અને વ્યારા નગરપાલિકા, સોનગઢ નગરપાલીકાનાં સંયુકત ઉપક્રમે “મતદાર જાગૃતિ અભિયાન” અંતર્ગત “રન ફોર વોટ, વોટ ફોર તાપી” આગામી તા.૨૪/૧૧/૨૦૨૨નાં રોજ સવારે ૮-૩૦ કલાકે વ્યારાના સયાજી ગ્રાઉન્ડ ખાતેથી નિકળી સ્કુલ રોડ, જુના બસ સ્ટેન્ડ સુરતી બજાર, હરીપુરા થઇ મેઇન રોડ થઇ સયાજી ગ્રાઉન્ડ ખાતે પરત થશે.

આ ઉપરાંત સોનગઢ નગરપાલિકા ખાતે “મતદાર જાગૃતિ અભિયાન અંતર્ગત “રન ફોર વોટ, વોટ ફોર તાપી” આગામી તા.૨૫/૧૧/૨૦૨૨નાં રોજ સવારે ૮.૩૦ કલાકથી મામલતદારની કચેરીથી શિવાજી ચોકથી નગરપાલિકા કચેરી, હાથી ફળીયા થઇ પારેખ ફળીયા જુના ગામ મેઇન રોડથી બાપા સીતારામ નગરથી ઉકાઇ રોડ, બ્રાહ્મણી ફળીયાથી સ્ટેટ બેંક થઇ શિવાજી ચોકથી મામલતદારની કચેરી ખાતે પરત થશે. આ દોડમાં સક્રિય રીતે ભાગ લઇ તાપી જિલ્લાનાં મતદારોને મતદાન કરવા પ્રેરિત કરવા નાગરીકોને તાપી જિલ્લા ચૂંટણી તંત્ર દ્વારા હાર્દિક આમંત્રણ પાઠવવામાં આવ્યું છે.