સોનગઢના નવા આરટીઓ ચેકપોસ્ટ પાસેથી વાહન ચેકિંગ દરીયાન રીક્ષામાંથી ઈંગ્લીશદારૂનો જથ્થો ઝડપી પાડવામાં આવ્યો છે, જોકે રીક્ષા ચાલક નાશી છુટ્યો હતો.

મળતી માહિતી મુજબ સોનગઢ પોલીસ સ્ટાફના માણસો આજરોજ બપોરે સોનગઢના નવા આરટીઓ ચેકપોસ્ટ પાસે વાહન ચેકીંગમાં હતા તે દરમિયાન મહારાષ્ટ્રના નવાપુર તરફથી આવતી એક છકડો (રીક્ષા) નંબર જીજે/૨૬/ટી/૨૪૪૨ ને રોકવાનો પ્રયાસ કર્યો હતો જોકે રીક્ષા ચાલકે થોડે દુર આગળ રીક્ષા હંકારી લઇ જઈ બિનવારસી હાલતમાં રીક્ષામૂકી નાશી છુટ્યો હતો, શંકા જતા પોલીસે તપાસ કરતા રીક્ષામાં બનાવેલ ચોર ખાનામાંથી ભરતીય બનાવટનો ઈંગ્લીશદારૂ ડીએસપી બ્લેક વિસ્કીની કુલ બોટલો નંગ-૧૫૪ જેની કિંમત રૂ.૧૧,૫૦૦/-નો પ્રોહી મુદ્દામાલ મળી આવ્યો હતો.બનાવ અંગે પોલીસ કોન્સ્ટેબલ ચંદ્રકાંતભાઈની ફરિયાદના આધારે ૧૧,૫૦૦/-નો ઈંગ્લીશદારુ,૩૦ હજારની રીક્ષા મળી કુલ રૂપિયા ૪૧,૫૦૦/-નો મુદ્દામાલ કબજે કર્યો હતો.