કાર્તિક આર્યનની 'પતિ, પત્ની ઔર વોહ ટૂ'માં રવિના ટંડનની એન્ટ્રી થઈ ગઈ હોવાનું કહેવાય છે. તે ફિલ્મમાં બોલ્ડ અવતારમાં દેખાવાની છે. ફિલ્મમાં ભૂમિ પેડણેકર મુખ્ય હિરોઈન છે પરંતુ રવિના પણ એક લાંબા અને મહત્વના રોલમાં દેખાશે તેમ કહેવાય છે. ફિલ્મની  સ્ક્રિપ્ટ હાલ ફાઈનલ થઈ રહી છે. તેમાં રવિનાની એન્ટ્રીથી કાર્તિકના જીવનમાં કેવી ઉથલપાથલ મચી જાય છે તેવી વાર્તા હશે તેમ કહેવાય છે. ફિલ્મનું શૂટિંગ ૨૦૨૫માં શરુ થવાની ધારણા છે.  તાજેતરમાં જ સમાચાર આવ્યા હતા કે દિગ્દર્શક અનુરાગ બસુ 'મેટ્રો ઈન દિનોં'નું રીશૂટ થવાનું છે. આથી તેમણે કાર્તિક સાથેની રોમાન્ટિક કોમેડીનું શૂટિંગ પાછું ઠેલી દીધું છે. તેના કારણે કાર્તિકે અનુરા બસુની ફિલ્મ માટે આપેલી તારીખો હવે 'પતિ પત્ની ઔર વોહ ટૂ' માટે ફાળવી દીધી છે.