રાજપીપળાના કરજણ કોલોનીના એક બ્લોકના ત્રણ રૂમનાં તાળા તોડી તસકરો 1.45 લાખ ચોરી કરી ફરાર થતા પોલીસે તપાસ હાથ ધરી હતી.

સુત્રો પાસેથી મળતી માહિતી અનુસાર, વાડિયા ગામે કરજણ કોલોનીમાં કેટેગરી-3 બ્લોક-એ રૂમ નંબર-11માં રહેતા અવિચલદાસ રતિલાલ તડવી જે બહાર ગયા હતા તે સમય દરમિયાન તેમના રૂમનું તાળું તોડી તસ્કરો મકાનમાં ઘુસીને સોના-ચાંદીનાનાં ઘરેણા જેની કીંમત રૂપિયા 1.45 લાખ હતી. જયારે તેઓની નજીક રહેતા સાહેદ જયપાલસિંહ પુવારસિંહ બાપુ તેમજ રૂમ નંબર-8માં રહેતા નીલેશ મોહનના મકાનનું પણ તાળું તોડ્યું હતું પરંતુ કોઈ વસ્તુ ચોરાઈ ના હતી. બનાવ અંગે રાજપીપળા પોલીસ સ્ટેશનમાં ફરિયાદ નોંધાવતા પોલીસે અજાણ્યા ચોરની તપાસ હાથ ધરી હતી.