ઉચ્છલ ના નારણપુર વડપાડા ફાંટા પાસેથી ઓનલાઈન વરલી મટકા નો જુગાર રમાડતા 2 શખ્સ ને એલસીબી ની ટીમે ઝડપી પાડી જુગારના સાધનો સહિત કુલ રૂપિયા 29 હજારનો મુદ્દામાલ જપ્ત કર્યો હતો. જોકે મુખ્યસૂત્રધાર ને વોન્ટેડ જાહેર કરવામાં આવ્યો છે.

 

 

 

મળતી માહિતી અનુસાર જીલ્લા એલસીબી પોલીસ સ્ટાફના માણસોને મળેલ બાતમીના આધારે ઉચ્છલ તાલુકાના નારણપુર વડપાડા ફાંટા પાસેથી (1) દિનેશભાઈ વીજુભાઈ વળવી રહે, નારણપુર ગામ,મોટી નીરગુડી ફળિયું તા.ઉચ્છલ અને (2) શૈલેશભાઈ સુભાષભાઈ પાડવી રહે, નારણપુર ગામ,સાવરપાડા ફળિયું તા.ઉચ્છલ નાઓને મોબાઈલ ફોન દ્વારા વોટ્સઅપ એપ્લીકેશન ના માધ્યમથી અને કાપલીઓ વડે મુંબઈ થી નીકળતા વરલી મટકાના આંકડા રમાડતા ઝડપી પાડવામાં આવ્યા હતા. એલસીબીએ આરોપીઓ પાસેથી રોકડ રકમ રૂપિયા 17,802/- ,મોબાઈલ ફોન નંગ 2 જેની કિંમત રૂપિયા 12 હજાર અને જુગારના સાધનો મળી કુલ રૂપિયા 29,902/- નો મુદ્દામાલ જપ્ત કરી બંને આરોપીઓ વિરુધ્ધ ગુનો નોંધી કાયદેસરની કાર્યવાહી હાથ ધરવામાં આવી હતી. જોકે મુખ્યસૂત્રધાર સુજીત ઉર્ફે ગોલુ અગ્રવાલ રહે,ઉકાઈ-વર્કશોપ બજાર,ઝૂપડપટ્ટી તા.સોનગઢ ને વોન્ટેડ જાહેર કરી તેની શોધખોળ હાથ ધરવામાં આવી છે.

 

 

 

 

 જીલ્લા એલસીબી સ્ટાફના માણસો ને મળેલ બાતમીના આધારે ઉચ્છલ તાલુકાના ટોકરવા ગામના મંદિર ફળીયામાં ચાલતા વરલી મટકા જુગાર ના અડ્ડા પર દરોડા પાડવામાં આવ્યા હતા. દરમિયાન સ્થળ પરથી નરેશભાઈ ઝીકાભાઈ વસાવા રહે, ટોકરવા ગામ, મંદિર ફળિયું તા.ઉચ્છલ નાનો મુંબઈ થી નીકળતા વરલી મટકા ના આંક પર હારજીતનો જુગાર રમાડતા ઝડપી પાડવામાં આવ્યો હતો.જયારે વીજુ ઉર્ફે વિજયભાઈ સેન રહે,નવાપુર જી.નંદુરબાર-મહારષ્ટ્ર નાને વોન્ટેડ જાહેર કરવામાં આવ્યો હતો. પકડાયેલા આરોપી પાસેથી પોલીસે રોકડ રકમ રૂપિયા 1046/- તથા મોબાઈલ ફોન નંગ 1 જેની કિંમત રૂપિયા 5,000/- તથા જુગાર ના સાધનો સહિત કુલ રૂપિયા 6,146/- નો મુદ્દામાલ જપ્ત કરી બંને આરોપીઓ વિરુધ્ધ ઉચ્છલ પોલીસ મથકે ગુનો દાખલ કરવામાં આવ્યો હતો.