શિક્ષણ બોર્ડ દ્વારા તાજેતરમાં ધોરણ 10 અને 12નાં પરિણામો જાહેર કરવામાં આવ્યા હતા. જેને લઈ વિદ્યાર્થીઓને શાળા, કોલેજોમાં પ્રવેશ માટે આવકના દાખલા, જાતિના દાખલા તેમજ અન્ય નાગરિકલક્ષી સેવાઓ જનસેવા કેન્દ્રો ખાતેથી પૂરી પાડવા આણંદ જિલ્લા કલેક્ટરે રવિવારે જનસેવા કેન્દ્રો ચાલુ રાખવા તાકીદ કરી છે. આણંદ જિલ્લા કલેકટર દ્વારા તારીખ 19/05/2024ના રવિવાર જાહેર રજાના દિવસે જિલ્લાના તાલુકા મથકો ખાતેના જનસેવા કેન્દ્ર સવારે 10.30 કલાકથી સાંજના 6.10 કલાક સુધી ચાલુ રાખવા માટે જણાવ્યું છે. જિલ્લાના નાગરિકોને નાગરિકલક્ષી સેવાઓ જનસેવા કેન્દ્ર ખાતેથી મળી રહે ઉપરાંત ધોરણ 10 અને ધોરણ 12નાં પરિણામો પછી આવકના અને જાતિના દાખલા સમયસર વિદ્યાર્થીઓને મળી રહે તે માટે રજાના દિવસે પણ જનસેવા કેન્દ્ર ચાલુ રહેશે તેમ જણાવ્યું છે.