વલસાડ જિલ્લાનાં ઉમરગામમાં ત્રણ વર્ષની બાળકી સાથે થયેલ દુષ્કર્મનાં કેસમાં વલસાડ જિલ્લા પોલીસ દ્વારા આરોપીની ધરપકડ કરી માત્ર નવ દિવસમાં કોર્ટમાં ચાર્જશીટ ફાઇલ કરેલી હતી જે કેસ વાપીના સ્પેશિયલ જજ ટી.વી.આહુજાની કોર્ટમાં ચાલવા માટે આવેલ વલસાડ અને નવસારી જિલ્લો એક હતો ત્યારથી અને વલસાડ જિલ્લો અલગ થયા બાદ અને પોક્સો એકટ અમલમાં આવ્યા બાદ આ પેહલો કેસ છે કે જેની ટ્રાયલ સાડા ત્રણ મહિનામાં પબ્લિક પ્રોસીક્યુટર અનિલ ત્રિપાઠી દ્વારા પૂર્ણ કરવામાં આવેલી છે.

આગામી દિવસોમાં આરોપીનું નિવેદન અને ત્યારબાદ બંને પક્ષોની દલીલો સાંભળ્યા બાદ નામદાર કોર્ટ દ્વારા કેસનો ચુકાદો વેહલામાં વેહલો જાહેર કરશે તેવી આશા પબ્લિક પ્રોસિક્યુટર અનિલ ત્રિપાઠીએ વ્યક્ત કરી હતી. આ ચકચારી ઘટનાં ગત તારીખ ૨૭/૮/૨૦૨૪નાં રોજ બની હતી જેમા એક ચાલમાં રહેતા પરિવારની ત્રણ વર્ષની દિકરી ટોયલેટ કરવાં ગઈ હતી તેનાં ઉપર નજર બગાડી આરોપી ગુલામે મુસ્તફા મહમદ સલીમ ખલીફાએ તેણી સાથે દુષ્કર્મ આચર્યું હતું અને ગુપ્ત ભાગે ગંભીર ઈજા પહોચાડી હતી. આ દ્રશ્ય પડોશી મહિલા જોઈ જતાં તેણે આ બૂમાબૂમ કરી બાળકીને બચાવી હતી જોકે આરોપી ભાગી ગયો હતો જેને પોલીસે પાછળથી ઝડપી લીધો હતો. આ કામે પોલીસે ઝડપી તપાસ કરી ગણતરીના દિવસોમાં ચાર્જશીટ રજૂ કરી હતી.