વ્યારાના સિંગી ફળીયામાં જીલ્લા એલસીબીએ દરોડા પાડી એક ઘરની પજારીમાં સંતાડી મુકેલ ઈંગ્લીશદારૂ શોધી કાઢ્યો હતો,જોકે આરોપી બુટલેગર ફરાર થઇ ગયો હતો.

મળતી માહિતી મુજબ જીલ્લા એલસીબી પોલીસ સ્ટાફના માણસો આજરોજ વ્યારા પોલીસ સ્ટેશનના વિસ્તારમાં પેટ્રોલીંગમાં હતા તે દરમિયાન સ્ટાફના માણસોને મળેલ બાતમી કે,વ્યારાના સિંગી ફળીયામાં રહેતો લીસ્ટેડ બુટલેગર અનીલ વિનોદભાઈ ઢોડીયા પોતાના ઘરે ચોરી છુપીથી દારૂનું વેચાણ કરે છે, જે બાતમીના આધારે પોલીસ સ્ટાફના માણસોએ બુટલેગરના ઘરે દરોડા પાડ્યા હતા.જોકે પોલીસને જોઈ જતા બુટલેગર નાશી છુટ્યો હતો, આ દરમિયાન બુટલેગરના ઘરની સામે આવેલ એક કાચા મકાનની પજારી ભાગે સંતાડી મુકેલ મહારાષ્ટ્ર બનાવટની ઈંગ્લીશ દારૂ બીયર ટીન નંગ-૭, વિસ્કી બોટલ નંગ- ૫ મળી કુલ ૧૨ બોટલો મળી આવી હતી. આ બનાવમાં પોલીસે બુટલેગર અનીલ વિનોદભાઈ ઢોડીયાને ભાગેડુ ઘોષિત કરી તેના વિરુદ્ધ વ્યારા પોલીસ મથકે ગુનો નોંધવામાં આવ્યો છે.