સોનગઢના પોખરણ ગામે એક મહિલા પર ફળિયાની જ બે મહિલાઓએ ડાકણનો વહેમ રાખી દાતરડા  વડે હુમલો કરી જાનથી મારી નાખવાની ધમકી આપી હોવાની ફરિયાદ સોનગઢ પોલીસ મથકે નોંધાઈ છે.

મળતી માહિતી મુજબ સોનગઢ તાલુકાના પોખરણ ગામના પીપળ ફળીયામાં રહેતી ફરીયાદી માર્થાબેન સતિષભાઇ ગામીતએ તા.૧૨/૧૦/૨૦૨૨ નારોજ સોનગઢ પોલીસ મથકે ફરિયાદ આપતા જણાવ્યું હતું કે,પોખરણ ગામના પીપળ ફળીયામાં જ રહેતી આરોપી બેન (૧) રાજુબેન શુકરીયાભાઇ ગામીત (૨) મિનાક્ષીબેન સંજયભાઇ ગામીત નાઓએ માર્થાબેનની સાસુ નીરૂબેન રામુભાઇ ગામીતને ઘરની જગ્યા બાબતે તથા ડાકણનો વહેમ રાખી તેના ઘરે જઇ બંને મહિલાઓએ તેમના હાથમાં રહેલ દાતરડાથી બન્ને હાથે તથા જમણા કાન નીચે માર મારી ઇજાઓ પહોચાડી હતી તેમજ આજે તને નહી છોડીએ તેમ કહી જાનથી મારી નાખવાની ધમકી આપતા સોનગઢ પોલીસે તા.૧૩/૧૦/૨૦૨૨ નારોજ રાજુબેન ગામીત અને મિનાક્ષીબેન ગામીત વિરુદ્ધ ગુનો નોંધી કાયદેસરની કાર્યવાહી હાથ ધરી છે.