વ્યારાના દડકવાણ ગામના માર્ગ પર એક ઘાસ ભરેલી રીક્ષા પલટી થઇ જતા રીક્ષા ચાલક દાદાના ખોળામાં બેસેલો પૌત્રનું ગંભીર ઈજાઓના કારણે મોત નિપજ્યું હોવાનો બનાવ વ્યારા પોલીસ મથકે નોંધાયો છે.

મળતી માહિતી મુજબ વ્યારા તાલુકાના માલોઠા ગામના નવી વસાહત ફળીયામાં પરિવાર સાથે રેહતો ફરીયાદી દિવ્યેશભાઈ અશોકભાઈ ચૌધરી (ઉ.વ.૨૮) નાનો ૧૮ માસનો પુત્ર મિહિરકુમાર દિવ્યેશભાઈ ચૌધરી, સોમવારે બપોરે આશરે ૧૨ કલાકના અરસામાં રડતો હોય તે વખતે (દાદા) અશોકભાઈ ચૌધરી રીક્ષા નંબર જીજે/૧૫/એયુ/૫૪૮૫ ની લઈને ખેતરે ઘાસચારો લેવા જઈ રહ્યા હતા જોકે મિહિરકુમાર રડતો હોવાથી તેને પણ સાથે લઇ ગયા હતા, ખેતરેથી રીક્ષામાં ઘાસચારો લઇ પરત ફરી રહ્યા હતા તે દરમિયાન વ્યારાના દડકવાણ ગામના માર્ગ પરથી પસાર થતા રીક્ષા ચાલવતા દાદાના ખોળામાં બેસેલો પૌત્ર મિહિરને એકાએક ઝોકું આવતા દાદાએ તેને પકડવાના પ્રયાસ કર્યો હતો.

જોકે તે દરમિયાન દાદાએ રીક્ષાના સ્ટેરીંગ પરનો કાબુ ગુમાવતા રીક્ષા પલટી થઇ હતી, રીક્ષામાંથી રોડ પર પટકાયેલા મિહિરના માથાના ભાગે ગંભીર ઈજા પહોંચતા સારવાર અર્થે વ્યારાની જનરલ હોસ્પિટલ ખાતે લઇ જવામાં આવ્યો હતો,જોકે ફરજ પરના તબીબે મિહિરકુમારને મૃત જાહેર કર્યો હતો, ઘટનાને લઇ પરિવારમાં શોકની લાગણી પ્રસરી જવા પામી હતી. બનાવ અંગે મૃતક મિહિરના પિતા દિવ્યેશભાઈ ચૌધરીની ફરિયાદના આધારે વ્યારા પોલીસે રીક્ષા દાદા અશોકભાઈ ચૌધરી વિરુદ્ધ ગુનો નોંધી કાયદેસરની કાર્યવાહી હાથ ધરી છે.