વલસાડનાં પારડી નગરનાં સૈયદ સ્ટ્રીટ ગેલેક્ષી રેસિડેન્સી ફ્લેટ નંબર-207માં રહેતા શાહીદખાંન પઠાણના 3 પુત્ર પૈકી શાહીલ ખાન પારડી શાકભાજી માકેટમાં શાકભાજી લેવા ગયો હતો ત્યારે શાહીલખાનના કાકા હારુન રફીઉલ્લાખાન પઠાણ (રહે.દમણીઝાંપા,કામલેશભાઈની બિલ્ડીંગની બાંજુમાં) ત્યાં આવી શાહીલખાનને, ‘ગાળો બોલીને થાપટ મારી’ તું મારા ભાણેજ તસ્લિમ વિશે ખોટી ખોટી વાતો કરતો હોવાનું કહી તને બતાવું છું એમ કહી ત્યાંથી નીકળી ગયો હતો.

જયારે આ વાત વિષે શાહિલે તેના ઘરે કરતા બંને ભાઈ મોહમદ કેફ અને શાહનવાઝ બંને શાકભાજી માર્કેટમાં આવી ગયા હતા. પરંતુ બદલાની ભાવના સાથે ફરી પાછા આવેલા કાકા હારુને એક પછી એક ત્રણેય ભત્રીજાને લોખંડના પાઈપથી હુમલો કરતા એકને માથામાં ગંભીર ઇજા થઇ હતી. જ્યારે બીજાને મોઢાના ભાગે ઇજા થઇ હતી, તો ત્રીજાને પણ માથાના ભાગે ઇજા થતા ત્રણેયને હોસ્પિટલ ખસેડવામાં આવ્યા હતા આ હુમલા બાદ કાકો ત્યાંથી ભાગી છૂટ્યો હતો. બનાવ અંગે પારડી પોલીસ મથકે ફરિયાદ નોંધાવતા પોલીસે વધુ કાર્યવાહી હાથ ધરી હતી.